Presidenti i Shteteve të Bashkuara të Amerikës, Joe Biden priti këtë të mërkurë në Shtëpinë e Bardhë, kryeministrin e Japonisë, Fumio Kishida.Çifti kryeministror i Japonisë u pritën me një ceremoni zyrtare. Më pas kryeministri 66-vjecar i Japonisë dhe bashkëshortja e tij Yuko kanë ecur në një tapet të kuq për të arritur deri në shkallët e Shtëpisë së Bardhë ku i priste zoti Biden dhe bashkëshortja e tij Jill. Po ashtu për ti përshëndetur ishin edhe për të përshëndetur Sekretari i Shtetit, Antony Blinken dhe Zëvendës Presidentja, Kamala Harris. Në fjalën e tij përshëndetëse presidenti amerikan foli për lidhje të pathyeshme mes Shteteve të Bashkuara dhe Japonisë si dhe nënvizoi rëndësinë e Japonisë si një aleat vendimtar në rajonin e Azi-Paqësorit kundër një Pekini të ringjallur. “Gjashtëdhjetë e katër vjet më parë dy kombet tona nënshkruan një Traktat të Bashkëpunimit dhe Sigurisë së ndërsjellë. Presidenti Eisenhoëer tha se qëllimi i tij ishte të krijonte një partneritet të pathyeshëm midis vendeve tona. Sot bota mund të shohë se ai qëllim është arritur dhe se partneriteti mes nesh është i pathyeshëm”, tha Biden gjatë fjalës së tij. "Aleanca midis Japonisë dhe Shteteve të Bashkuara është një gur themeli i paqes, sigurisë, prosperitetit, në Indo-Paqësor dhe në mbarë botën”, shtoi ai. “Kam besim se lidhja e aleancës Japoni-SHBA, është e ngjajshme me lulet e qershisë, që vazhdojë të rriten. ashtu si lulet e qershisë bëhet më e madhe dhe më e fortë”, tha kryeministri japonez në fjalë ne tij, duke shprehur dëshirën e Japonisë për të marrë një rol udhëheqës në përpjekjen për të forcuar Ukrainën kundër pushtimit të Rusisë, por edhe në ndjekjen e situatës së shpërndarjes së ndihmave humanitare në Gaza.Më tej dy liderët botërorë u takuan në zyrën ovale të Shtëpisë së Bardhë ku diskutuan se si mund të sigurojnë që "Indo-Paqësori të mbetet një rajon i lirë, i hapur dhe i begatë". Ata diskutuan po ashtu mbi 70 marrëveshje bashkëpunimi në fusha si mbrojta, hapësira dhe teknologjia. Këtë të enjte, Presidenti Biden do të presë gjithashtu samitin e parë trepalësh midis Japonisë, Filipineve dhe Shteteve të Bashkuara, me qëllim thellimin e aleancave të tyre përballë përshkallëzimit të tensioneve me Pekinin në Detin e Kinës Jugore. Pamjet: AFP