Raketat që goditën Poloninë, kanë sjellë edhe një përplasje mes presidentit amerikan Joe Biden dhe homologut të tij ukrainas, Volodymyr Zelensky. Pavarësisht se vetë Biden, Nato-ja dhe presidenti polak Andrezej Duda, që të gjithë deklaruan se raketat në fjalë ishin me origjinë ukrainase dhe se bëhej fjalë për një veprim të paqëllimshëm, Zelensky ka vazhduar të pretendojë të kundërtën, duke e shtyrë shefin e Shtëpisë së Bardhë që ta kundërshtojë atë hapur në publik.