Presidenti amerikan Joe Biden u nis nga Uashingtoni të martën për një udhëtim në Irlandën e Veriut, ku do të shënojë 25-vjetorin e marrëveshjes së paqes të së Premtes së Mirë, që u ndërmjetësua nga Shtetet e Bashkuara. Air Force One u nis nga baza e Andrews për në Belfast, aty ku Biden do të pritet nga kryeministri britanik Rishi Sunak. Para se të hipte në avion, Biden u tha gazetarëve se qëllimi kryesor i udhëtimit të të tëij është që të sigurohet se "marrëveshjet irlandeze dhe marrëveshja Windsor të qëndrojnë ende në fuqi". Marrëveshja e së Premtes së Mirë e vitit 1998 siguroi një ndërmjetësim për ndarjen e pushtetit politik midis forcave katolike pro-pavarësisë në Irlandën e Veriut dhe besnikëve protestantë britanikë që dëshironin që provinca të mbetej pjesë e Mbretërisë së Bashkuar. Marrëveshja historike u nënshkrua me ndihmën e SHBA-së, por pas daljes së Britanisë nga Bashkimi Europian u ngritën një sërë pyetjesh nga ana e ligjvënësve por jo vetëm se si do të menaxhohej tregëtia mes Irlandës së Veriut dhe Republikës së Irlandës. Kjo gjë bëri që një marrwveshje e re e quajtur Korniza Windsor të nënshkruhej në muajin mars tw kwtij vitit për të zgjidhur mosmarrëveshjet mes palëve. Pas qëdrimit në Belfast, Biden më pas do të udhëtojë drejt kryeqytetit irlandez të Dublinit si dhe gjithashtu në qytetin veriperëndimor të Ballinës, ku paraardhësit e tij jetuan përpara se të emigronin në Shtetet e Bashkuara në shekullin e 19-të. ndwrkohw autoritetet vendase kanë shtuar masat e sigurisë për mbarvajtjen e kësaj vizite. Kjo pasi gjatë kontrolleve të ushtruara në një varrezë të qytetit të Derry-t u gjetën të fshehura katër bomba. Rasti po hetohet nga strukturat inteligjencës si dhe njësia e anti-terorrizmit. Pamjet: AFP