Bombardimet në Ripin e Gazës nga ana e Izraelit, nuk janë mbështetur nga Shtetet e Bashkuara të Amerikës. Presidenti amerikan Joe Biden tha të martën se Tel Avivi po humbet mbështetjen globale për shkak të vendimeve të pakujdesshme. Ai I bëri thirrje kryeministrit Netanyahu që të tërhiqet. “Po fillojnë të humbasin përkrahjen”, tha Presidenti Biden gjatë një aktiviteti për grumbullim fondesh në Uashington raporton Reuters. Një deklaratë kjo që nxjerr në pah dhe një krisje marrëdhëniesh mes dy vendeve pasi SHBA I kërkoi Izraelit që të mos sulmonte zonat ku kishte civil palestinezë dhe kryesisht në jug. Nga bombardimet janë vrarë mbi 18 mijë palestinezë, një pjesë e të cilëve fëmijë. Operacioni ushtarak në Gaza nisi pas sulmit të 7 tetorit ku 1400 izraelitë u vranë dhe mbi 250 të tjerë u morën peng nga grupi terrorist I hamas. Po ashtu gjatë deklaratave presidenti Biden sipas mediave të huaja, la të nënkuptohej se Netanyahu gjatë një bisede private I kishte përmendur atij bombardimin e Gjermanisë nga SHBA dhe bombën atomike në Japoni ku humbën jetën shumë civilë në luftën e dytë botërore. Ndërkohë nga ana tjetër kryeministri I Izraelit Benjamin Netanyahu tha më herët se Izraeli e kishte marrë “mbështetjen e plotë” të SHBA-së për pushtimin tokësor të Gazës. Pamjet; AFP