34 vjet pas ribashkimit të Gjermanisë, Berlini planifikon të nderojë kontributin e emigrantëve të viteve 50-të e 60-të- në ish-Berlinin Perëndimor e Lindor, thotë DË. Në lagjen e njohur të kryeqytetit gjerman, Kreuzberg e cila është e lidhur ngushtë me emigrantët turq dhe pasardhësit e tyre – po merr formë projekti për ngritjen e një monumenti në nderim të të ashtuquajturve "punëtorë mysafirë", veçanërisht atyre të brezit të parë. Një tjetër memorial i vecantë parashikohet gjithashtu për ish-"punëtorët me kontratë" nga Vietnami dhe "shtetet vëllezër" në kohën e Berlinit Lindor komunist.Iniciatore e projektit është politikanja lokale socialdemokrate, Sevim Aydin, anëtare e Senatit të Berlinit. Prindërit e saj ishin në mesin e emigrantëve të brezit të parë që shkuan në Gjermani. Aydin thotë, se kontributi i emigrantëve për suksesin e Gjermanisë nuk është njohur sa duhet. "Emigrantët përshkruhen shpesh negativisht. Mendoj se është koha për të treguar gjërat pozitive, edhe për brezin e parë", thotë ajo për DË. "Shumë nga ata nuk dinin të flisnin gjermanisht kur erdhën, por ata punuan, rritën familje dhe kontribuan që ky vend të funksionojë. Unë dua që zëri i këtyre njerëzve të dëgjohet”