Kreu i Partisë Demokratike, Sali Berisha ka bërë një prononcim për mediat pak para nisjes së numërimit të votave në PD. Berisha u shpreh se ekipi me kandidatë i propozuar për poste të ndryshme në PD është një ekip me shumë personalitete dhe ka një përfaqësim të madh nga rinia. “Në kompetencë dhe eksperiencë, në formim është ekipi më i epërm i kësaj partie në të gjitha kohërat dhe këtë ju mund ta mblidhni dhe shqyrtoni me radhë. Në këtë ekip që keni sot para jush ka personalitete, të cilat kanë publikime në nivelet më të larta botërore. Ka prej tyre personalitete me eksperiencë të madhe në fushën e tyre, në politikë. Unë them se asnjëherë në histori një ekip si ky nuk ka pasur. Ka një përfaqësim më të madh se asnjëherë të të rinjve dhe kjo është direktiva e kuvendit, ka një përfaqësim të zonjave. Ka një proporcion të shkëlqyer të të gjitha potencialeve të kësaj partie.