Akuzave penale të ngritura ndaj tij dhe dhëndrit Jamarbër Malltezi për privatizimin e ish-kompleksit sportiv Partizani, ish-kryeministri Berisha iu përgjigj me akuza politike. Gjatë konferencës për shtyp, Berisha mbroi veten duke u shprehur se privatizimi i objekteve të klubit Partizani është nisur nga qeveria e Fatos Nanos dhe janë firmosur më pas nga Edi Rama. Akuzat e Berishës duket se bazohen tek disa deklarata të ish-kryeministrit Nano për të nisur disa privatizime, pasi procedurat për privatizimin e kompleksit nisën në nëtor vitit 2005 vetëm dy muaj pas marrjes së detyrës, Ministri i Ekonomisë Genc Ruli dhe ministri i Mbrojtjes Fatmir Mediu filluan procedurat e privatizimit të qendrës më të madhe sportive në zemër të kryeqytetit, me përmasa 26.000 metra katrorë. Privatizimi i ish-kompleksit Partizani përfundoi në vitin 2008.