Nga Berati, në takimin përmbyllës të fushatës, Sali Berisha u zotua se do të krijojë një sistem arsimor modern. Kreu i opozitës tha se do të ketë një bashkëpunim të plotë mes universiteteve publike e private. “Nga Berati shpall zotimin solemn të Aleancës për Shqipërinë Madhështore se sistemi arsimor i Shqipërisë do jetë sistemi më modern, sistemi që punëson. Shkollat dhe universitetet do funksionojnë në partneritet të plotë me ndërmarrjet publike dhe private. Kjo do të thotë se çdo universitet, publik apo privat, do lidhë marrëveshje me kompani për të ofruar praktikë të integruar në program dhe do përfitojë mbështetje për të gjithë praktikën që do ofrojë për studentët dhe të diplomuarit që ndjekin këto praktika”. Një premtim, Berisha e pati edhe për studentët, nëse fiton zgjedhjet e 11 Majit, teksa tha se planifikon punësimin e tyre vitin e parë të diplomimit.