Tru ditë nga nisja e regjistrimit të emigrantëve për zgjedhjet parlamentare të 2025 , Partia Demokratike ka nisur një auditim teknik të platformës online të KQZ, pasi ka konstatuar vështirësi në aplikim të votuesve nga jashtë. BERISHA: Është e vërtetë që ka vështirësi, pse e tek, auditi ynë, një grup i yni po bën auditin e platformës dhe me shpejtësi do të na informojë se ku qëndrojnë problemet. Por përsëri, thirrja ime është mos e humbni durimin. Aplikoni 2, 3 herë deri sa të regjistroheni. Sali Berisha paralajmëroi se auditi teknik i PD do dalë shumë shpejt më konkluzione se cilat defektet duhen korigjuar. Porosia për të tijtë mbetet e njejtë, të përveshin mëngët dhe të marrin rrugët përtej kufijve për votat e diasporës. BERISHA: Realisht ka një mënyrë për të bërë pluhur këtë shtet elektoral, kriminal dhe leva e Arkimedit për këtë emigracioni dhe diaspora. Nga hapja e platformës online janë shënuar rreth 10 mije aplikime. Interesi i lartë i diasporës ka rritur oreksin e politikës për votat e e tyre. BERISHA: Kryetarët e bashkisë kanë marrë urdhër që të mbyllin bashkitë dhe të dalin në emigracion dhe diasporë. U bëj thirrje të gjithë emigrantëve, të gjithë diasporës të gjuajnë me vezë dhe domate të gjithë këta hajdutë Sali Berisha sulmoi edhe drejtuesin politik të Partisë Socialiste për diasporën Tualant Balla, duke e etiketuar si kriminel elektoral.