Sali Berisha ftoi sërish në debat kundërshtarin e tij politik, Edi Rama. Nga Pogradeci, ku zhvilloi takimin elektoral të radhës, kreu i opozitës tha se Rama ka frikë nga përballja me të. “Urdhëro zoti Rama, urdhëro hajde këtu, me statistika të institutit tënd, të faktojmë, të faktojmë se kush i çove paratë e shqiptarëve. Por nuk del dot, nuk ja mban. Sepse ka vjedhur, ka vjedhur dhe vetëm ka vjedhur”. Berisha kërkoi votën e pogradecarëve më 11 Maj, me premtimin se do dyfishojë buxhetin për disa fusha me rëndësi. “Vendosim në 100 ditët e para që në Shqipëri nuk do mund të shitet kurrë, litra e naftës më shumë se +-10% e çmimit të saj në Maqedoni apo në Kosovë, pra një naftë 40% më lirë. Pra do të dyfishohet buxheti për bujqësinë, do dyfishohet buxheti për shëndetësinë, do dyfishohet buxheti për arsimin”.