Gjatë vizitës së tij në Shtetet e Bashkuara të Amerikës, kreu i Partisë Demokratike, zhvilloi një takim me shqiptarët që jetojnë atje. Ndërsa e cilësoi diasporën në SHBA si fatin e bardhë të kombit shqiptar, Berisha u ndal dhe te shpallja e tij “non grata” pesë vite më parë, ku tha se padrejtësia nuk ju bë nga Shtetet e Bashkuara. “I qartë si kristali se kjo padrejtësi nuk po vinte nga SHBA, por nga agjenda anti-liri. Të asaj që Donald Trump e ka quajtur si ekstremi i majtë. E nisa këtë betejë në errësirë, por asnjë natë nuk zgjat dot pafundësisht. Kur nisa këtë betejë, populli i madh amerikan vendosi të zgjedhë Donald Trump, efektet erdhën deri në Shqipëri. Ata që na treguan barin, përfunduan të papunë…Ata që firmosën ndalimin tim sot janë non -grata vetë në vendin e tyre. Ata që përgatitën mashtrimet ndaj meje në Shqipëri sot janë pas hekurave”.