Me premtimin se do iu kthejë paratë, që sipas tij, ua ka vjedhur qeveria, Sali Berisha kërkoi këtë mbrëmje votën e beratasve. Kreu i opozitës tha se do ndërtojë rrugë dhe vepra publike për qytetarët e Beratit. “Ndaj dhe ne, vijmë tek ju qytetare dhe qytetarë të Beratit, të të gjitha bindjeve politike qofshit, vijmë tek me një zotim solemn, se nuk do bëjmë gjë tjetër vetëm t’ua kthejmë para ju, paratë që qeveria merr nga ju. Dhe ju siguroj se, do të ndërtojmë rrugë dhe vepra publike, minimumi 5 herë më shumë, se sa kanë ndërtuar këta në 12 vite. Sepse këta, kanë vjedhur dhe shpërdoruar në mënyrë të tmerrshme. Gjatë prezantimit të kandidatëve në Qarkun e Beratit, Berisha bëri një premtim dhe për mësuesit e mjekët. “I garantoj mësuesit, prindërit, nxënësit, se modernizimi i arsimit do të jetë objektivi ynë madhor. Dyfishimi i buxhetit. Rroga e mësuesit do të ejtë 1500 euro dhe do të vazhdojë rritjen. Ju premtoj sot ju këtu, se lista e barnave të rimbursueshme do të ejtë pikë ëpr pikë si ajo e republikës italiane.. 100% e rimbursueshme. Ju garantoj, se do të dyfishohet buxheti për shëndetësinë. Pra, padiskutim që do të dyfishohen rrogat e mjekëve dhe të ifnermierëve”. Kreu i opozitës e mbylli takimin me thirrjen për të gjithë qytetarët, që të ngrihen në lartësinë e madhështisë që Berati trashëgon, dhe të votojnë më 11 maj Partinë Demokratike.