Një 62-vjeçar nga Gjermania është vaksinuar 217 herë kundër Covid-it, raportojnë bluzat e bardha. Rasti I çuditshëm sipas BBC, është dokumentuar në revistën "The Lancet Infectious Diseases" ndërsa dhe autoritetet nisën një hetim për këtë çështje por u tërhoqën më pas duke mos ngritur asnjë akuzë. Të gjitha vaksinat janë blerë privatisht nga I moshuari I cili I ka bërë ato gjatë harkut kohor të 29 muajve. Por pavarësisht numrit tejet të lartë të dozave, ai nuk pa pasur asnjë efekt anësor sipas studiuesve të mikrobiologjisë të universitetit Erlangen të Nurembergut. "Ne mësuam për rastin e tij nëpërmjet artikujve të gazetave. Më pas e kontaktuam dhe e ftuam të bënte teste të ndryshme në Erlangen.” tha Dr Kilian Schober. Mjekët morën disa monstra gjaku dhe pështymë të cilat u analizuan dhe deri më tani rezulton se 62-vjeçari nuk kishte probleme dhe nuk ishte infektuar me covid. Por ky përfundim mbetet paraprak pasi mjekët ende mendojnë se hiper-vaksinimi mund të dëmtojë organizmin. Rasti po monitorohet me kujdes pasi studiuesit mendojnë se vaksinat mund të përdoren në numër të lartë nga ata persona që kanë imunitet të dobët. Pamjet; AFP