Shembullin e Gjermanisë me rivendosjen e konmtrolleve kufitare me qëllim frenimin e emigracionit të parregullt, duket se po e ndjek edhe Belgjika. Qeveria belge njoftoi veprime me forcim të kontrolleve të hyrjes në vend. Kontrollet në shtetin e BE-së, që ndan kufij me Holandën, Francën, Luksemburgun dhe Gjermaninë, do të fillojnë në verë, sipas një zëdhënëseje të Sekretares së Shtetit për Migrimin Anneleen Van Bossuyt, e cila nuk dha megjithatë një datë specifike. Masa synon gjithashtu të luftojë në mënyrë më efektive krimin dhe të parandalojë njerëzit që kanë kërkuar mbrojtje në vende të tjera nga lëvizja në Belgjikë.Sipas qeverisë, kontrollet janë planifikuar në rrugët kryesore të hyrjes, parkingjet e autostradave, transportin ndërkombëtar të autobusëve dhe trena të caktuar. Njerëzit do të kontrollohen gjithashtu në fluturimet brenda Europës, veçanërisht ato që vijnë nga vendet që ndodhen në kufijtë e jashtëm të BE, si Italia dhe Greqia, "me presiontë lartë emigrimi". Këto nuk janë kontrolle kufitare në kuptimin ligjor, por masat mund të zbatohen pranë kufirit. Kryeministri Bart De Wever, në detyrë që nga shkurti, kishte deklaruar se tema e emigracionit ishte një detyrë prioritare për qeverinë e tij të krahut të djathtë. Kontrollet do të fillojnë në ditët ose javët në vijim, fillimisht për një periudhë të kufizuar prej gjashtë muajsh. Efektiviteti i tyre do të vlerësohet më pas.