Fredi Beleri mbajti sot për herë të parë fjalën në Parlamentin Europian, si eurodeputet i zgjedhur nën logon e partisë së kryeministrit grek Kyriakos Mitsotakis. Gjatë fjalës së tij Beleri nuk humbi kohë për të hedhur akuza ndaj Shqipërisë, teksa tha se “fatkeqësisht Shqipëria po largohet vazhdimit nga Evropa” dhe se “situata aktuale në vend tregon se si reformat mund të kthehen lehtësisht në ‘bomba totalitare’ mbi themelet e një shteti demokratik”. Sipas Belerit situata aktuale në Shqipëri tregon se si reformat mund të kthehen lehtësisht në “bomba totalitare” mbi themelet e një shteti demokratik. Ndër të tjera ish-kandidati për kryebashkiak i Himarës përmendi dhe qëndrimin e tij në qeli të cilën e cilësoi si politik si dhe arrestin në shtëpi të ish-kryeministrit, Sali Berisha. Fredi Beleri u dënua me dy vite burg për korrupsion zgjedhor dhe u lirua me kusht nga gjykata e Fierit pasi kreu 16 muaj dënim.