Si një praktikë e re dhe përfundimi parashikuar i një procesi me shumë pikëpyetje në lidhje me parimet themelore të shtetit ligjor, për të skualifikuar Fredi Belerisin pa u bërë as edhe betimi i kryebashkiakut të Himarës – konsideron ministria e Jashtme greke vendimin e Komisionit Qendror të Zgjedhjeve të Shqipërisë. Në deklaratë zyrtare të saj theksohet se Greqia kishte shprehur me kohë shqetësimin e saj të fortë për mungesën e prezumimit të pafajësisë, integritetin e procesit të provës, ndalimin e betimit dhe dënimin e vendosur që nuk i takon, si dhe faktin që bashkia e Himarës qeveriset prej një viti nga persona të paautorizuar. Ministria e Jashtme rithekson detyrimin e autoriteteve shqiptare për të marrë të gjitha masat e nevojshme për t'i mundësuar menjëherë z. Beleri, tashmë deputet i zgjedhur në Parlamentin Europian, të marrë pjesë në detyrat e tij, duke filluar nga punimet e trupës së PE më 16 korrik në Strasburg. Edhe partia opozitare Syriza në njopftimin e saj shpreh shqetësimin e fortë për për shkarkimin e kryebashkiakut të zgjedhur të Himarës, si dhe për procesin e regjistrimit të popullsisë në Shqipëri,ndërsa thekson se bëhet e qartë dhe nga ky zhvillim, dështimi i plotë i qeverisë greke, për ta bërë çështjen Beleri çështje evropiane, çështje respektimi të shtetit të së drejtës. Pamjet: AFP