Ministria e Jashtëme e Greqisë ka reaguar menjëherë pasi Gjykata e Lartë e Tiranës rrëzoi ankimimin e kryetarit të zgjedhur të bashkisë së Himarës Fredi Belerin, i cili vijon të mbetet ende në qeli. Në deklaratën e publikuar në faqen zyrtare, ministria greke thekson se vendimi nw thelb privon Fredi Belerin nga e drejta për të bërë betimin dhe për të marrë përsipër detyrat që i ngarkohen nga qytetarët e Himarës. “Ky është një zhvillim negativ i cili përbën një shkelje të qartë të parimeve themelore të shtetit të së drejtës, të cilat Shqipëria duhet t'i respektojë dhe t'u përmbahet rreptësisht nëse dëshiron të bëhet anëtare e familjes evropiane. I bëjmë thirrje qeverisë shqiptare që të sigurojë menjëherë, ligjërisht apo administrativisht, betimin e menjëhershëm të zotit Beleri, brenda apo jashtë burgut. Ministria ε Jashtme do të vazhdojë të monitorojë nga afër zhvillimin e çështjes dhe do ta ngrejë këtë problem në të gjitha forumet ndërkombëtare”, thekson Ministra e Jashtme greke.