Mbështetja për integrimin europian të shqipërisë, një linjë direkte fluturimi me Letoninë dhe forcimi I bashkëpunimit për sigurinë , ishin temat kryesore të bisedës që presidenti Bajram Begaj zhvilloi në letoni me homologun Rinkevics, në kuadër të vizitës zyrtare që kreu I shtetit po zhvillon në vendet baltike. Dialogu ynë politik ekzistues duhet të inkurajojë bashkëpunim më konkret dypalësh dhe shumëpalësh në të gjitha fushat e interesit të ndërsjellë për përfitimet e qytetarëve tanë, duke përfshirë ekonominë, shkëmbimet tregtare, turizmin, shkëmbimet kulturore dhe të të rinjve etj. Jam i bindur se diskutimet e frytshme të sotme do të ndihmojnë të ecim shpejt dhe me guxim në atë drejtim. Zgjerimi i Bashkimit Europian në Ballkanin Perëndimor u konsiderua nga të dy presidentët si një rrugëzgjidhje përballë influencave të palëve të treta, të shtuara pas agresionit rus në Ukrainë. Anëtarësimi në BE mbetet prioriteti strategjik i Shqipërisë. Shqipëria ka një politikë të jashtme plotësisht të linjëziar me politikën e jashtme dhe atë të sigurisë së BE-së. Ne kemi punuar me përkushtim për të zbatuar reforma të kërkuara për anëtarësimin në BE, veçanërisht në fushat si sundimi i ligjit, anti-korrupsioni dhe qeverisja ekonomike. Gjithashtu, kemi qenë të fokusuar në përmirësimin e efikasitetit administrativ dhe në përputhjen e politikave tona.