Presidenti i Republikës së Shqipërisë, Bajram Begaj, së bashku me zonjën e parë Armanda Begaj është takuar me Presidentin amerikan Donald Trump dhe Zonjën e Parë, Melania Trump, gjatë qëndrimit të tij në Shtetet e Bashkuara të Amerikës, në kuadër të punimeve të Asamblesë së Përgjithshme të OKB-së. Takimi u zhvillua në një ambient ceremonial në Neë York, ku Presidenti Begaj dhe çifti Trump realizuan edhe një foto të përbashkët. Takimi u shoqërua me një atmosferë miqësore dhe të ngrohtë, duke reflektuar lidhjet e hershme dhe të forta ndërmjet dy vendeve. Presidenti ka shpërndarë foton e realizuar ne neë york me fjalët, “Miqësia shqiptaro-amerikane një lidhje e fortë dhe e pathyeshme. Një aleancë historike dhe strategjike” Një bisedë e gjatë që u përshkrua si shumëplanëshe, bashkë me fotot përkatëse, Presidenti amerikan pati edhe me presidenten e Kosovës, Vjosa Osmani e cila i ka treguar Trumpit edhe një herë se vendi i saj mbetet gjithmonë në krah të Shteteve të Bashkuara. “Miqësia dhe aleanca me Shtetet e Bashkuara mbetet një bosht i pathyeshëm. Kosova do të jetë gjithmonë në anën e demokracisë, lirisë dhe partneritetit me SHBA-në, sepse pikërisht aty rreh zemra e lirisë sonë”, tha Osmani, sipas njoftimit të Presidencës. Presidentja e falënderoi Trumpin për siç tha, “interesimin e veçantë që tregoi rreth rolit të pazëvendësueshëm të Amerikës në Kosovë dhe në rajonin tonë, si dhe për angazhimin e tij të palodhshëm për paqe”. Në Shtetet e Bashkuara ndodhet sakaq edhe kryeministri në detyrë i Kosovës, Albin Kurti, dhe ministrja në detyrë për Punë të Jashtme dhe Diasporë, Donika Gërvalla. Qëndrimi i zyrtarëve të Kosovës në Nju Jork vjen në një kohë kur marrëdhëniet mes Kosovës dhe Shteteve të Bashkuara pësuan një goditje në fillim të këtij muaji, pasi Ëashingtoni njoftoi pezullimin e Dialogut të planifikuar Strategjik për shkak të veprimeve të Qeverisë në detyrë të Kosovës, që sipas tij kanë rritur tensionet dhe paqëndrueshmërinë në vend.