Donald Trump deklaroi se nuk do të marrë pjesë në debatet e ardhshme të kandidatëve për zgjedhjet presidenciale të vitit të ardhshëm nga radhët e Partisë Republikane. Argumenti ish presidentit amerikan ishte epërsia e tij e madhe në sondazhe, të cilën e përshkroi si dëshmi të faktit që tashmë është i njohur dhe i pëlqyer nga votuesit. Trumpi prej disa kohësh e ka lënë të kuptohet se do të mungojë në debatin e planifikuar për 23 gusht. C`kuptim ka, sipas tij, t`u ofrojë rivalëve republikanë rivalëve të tij republikanë mundësi për ta sulmuar kur kryeson në anketime. Një ditë më parë, Donald Trump u rendit si favorit për fituar nominimin për president nga Partia Republikane në një sondazh të realizuar nga CBS. Sipas këtij sondazhi, 62 për qind të votuesve republikanë e cilësojnë atë si kandidatin e tyre të preferuar, ndërsa 16 për qind e favorizonin rivalin e tij kryesor, guvernatorin e Floridës, Ron DeSantis.