Eurostat bën me dije se kontinenti europian ka ulur shkwmbimet tregtare me Rusinë si pasojë e sanksioneve të vendosura. Importet ruse në BE ranë me 8% nga fillimi i luftës në shkurt 2022 deri në qershor 2023, ndërsa eksportet ranw me 2.8%. Marsin e vitit të kaluar deficit tregtar I BE-së me Rusinë arriti rekorde historike për shkak të çmimeve të rritura të produkteve energjitike, deri në 18.5 miliardë euro. Ky deficit u ul në 0.4 miliardë euro në qershor 2023. Gjatë dy viteve të fundit, edhe mbështetja e BE-së në importet e energjisë nga Rusia ka parë një rënie të dukshme. Në mënyrë të veçantë, pjesët e lëndëve djegëse fosile si qymyri, gazi natyror dhe nafta e importuar nga Rusia janë ulur ndjeshëm. Krahasuar tremujorin e dytë të 2021 me tremujorin e dytë të 2023, nafta ra me 27% gazi natyror me 26 % dhe qymyri 45 % Por, presidenti Putin në një konferencë ditën e djeshme me kabinetin e tij u përpoq ta minimizonte dëmin e shkaktuar nga blloku europian. Sipas tij, Rusia vijon të jetë një superfuqi energjitike. “Megjithë veprimet e hapura armiqësore të një numri vendesh, kufizimet e paligjshme dhe të pafundme, sanksionet, kompleksi rus i karburantit dhe energjisë – kompanitë tona të naftës dhe gazit – ndjehen përgjithësisht të sigurt, po zhvillohen dhe po zgjidhin me sukses detyrat me të cilat përballen. , përfshirë në fushën e tregtisë së jashtme, ata gjejnë partnerë të rinj të besueshëm, ristrukturojnë logjistikën." – u tha Putin anëtarëve të kabinetit të tij. Vendi që ndodhet prej dy vitesh në luftë, pas sanksioneve perëndimore, ka intensifikuar eksportet në Azi, sidomos në Kinë dhe Indi, që kanë përfituar nga situata, por sërish blloku evropian është ai që ka fuqinë më të madhe blerëse. Pamjet: AFP