I shqetësuar, Bashkimi Europian përsëriti thirrjen ndaj Kosovës dhe Serbisë që në ditët në vijim të frenohen nga veprimet që mund të cojnë në përshkallëzim të situatës. Po punojmë intensivisht me partnerët tanë për të gjetur një zgjidhje për çështjen e targave, deklaroi zëdhënësi i BE-së, Peter Stano. Apelet e deritanishme të Perëndimit tregojnë se ndërkombëtarët janë angazhuar maksimalisht për të shmangur një shpërthim të ri të tensioneve në Kosovë, por u nevojitet pak kohë.