Vendet evropiane propozuan të dielën një plan alternativë paqeje për Ukrainën, që hedh poshtë disa nga pikat e planit amerikan dhe kërkon të respektohet sovraniteti i Kievit. BE propozoi planin e saj si një kornizë marrëveshjeje për paqen në Ukrainë në samitin më të rëndësishëm diplomatik që nga nisja e luftës në Ukrainë, që u zhvilluasot në Gjenevë. Kundërpropozimi i paqes (ndaj Shteteve të Bashkuara) i diskutuar në Gjenevë nga përfaqësuesit e BE-së, SHBA-së dhe Ukrainës është përmbledhur në 24 pika. Që në pikën e parë të planit, dhëheqësit evropianë kërkojnë përfundimin e luftës dhe marrëveshje për të garantuar që ajo të mos përsëritet, duke vendosur një bazë të përhershme për paqe dhe siguri afatgjatë. Në dokumentin me 24 pika thuhet se "të dyja palët në konflikt angazhohen për një ndërprerje të plotë dhe të pakushtëzuar të armiqësive në ajër, në tokë dhe në det". Bashkimi Evropian kërkon gjithashtu që sovraniteti i Ukrainës të respektohet, dhe vendi nuk detyrohet të mbetet neutrale. :Nuk ka kufizime të vendosura mbi Forcat Mbrojtëse të Ukrainës dhe industrinë e mbrojtjes, përfshirë bashkëpunimin ndërkombëtar”, thuhet më tej në planin e BE-së, i cili kundërshton dokumentin me 28 pika tëTrump, ku kërkohej tëzvogëlohej ushtria ukrainase.