Bashkimi Europian do të ndalojë zyrtarisht rrjetet sociale për fëmijët nën 13 vjeç. "Komisioni do të propozojë Aktin e BE-së për Fëmijët . Ne do të miratojmë një qasje graduale dhe të diferencuar. Çdo grupmoshë ka nevojat e veta specifike dhe, si pasojë, secila do të ketë një nivel të përshtatshëm mbrojtjeje. Nuk do të ketë përdorim të mediave sociale për fëmijët nën 13 vjeç. Nuk do të lejohen llogari personale për fëmijët nën 15 vjeç", deklaroi më pas Presidentja e Komisionit Evropian, Ursula Von Der Leyen. Në një ofertë të paprecedentë, Von der Leyen ka thënë të mërkurën se dhe Kanadaja mund të bëhet anëtarja e parë e asociuar e BE-së. “Ne duam ta çojmë marrëdhënien me Kanadanë në nivelin më të lartë të mundshëm. Duhet urgjentisht t’i rimendojmë partneritetet tona. Prandaj, do të doja të punoja me ju për t’i hapur derën Kanadasë që të bëhet anëtarja e parë e asociuar e BE-së”, ka thënë von der Leyen duke folur në prani të kryeministrit kanadez, Mark Carney, në Parlamentin Evropian në Strasburg. Carney, i cili pritet t’i drejtohet Parlamentit Evropian të enjten, ka bërë thirrje për një “aleancë unike” me BE-në, ndërsa Kanadaja po përpiqet të ulë varësinë e saj të madhe nga tregtia me SHBA-në.