Cështja e dinarit serb diskutohet në Bruksel mes Kosovës e Serbisë në 15 maj, e konfirmuar nga zëdhënësi i bllokut europian,Peter Stano. Ky do të jetë takimi i shtatë radhëzi në nivel kryenegociatorësh kushtuar kësaj teme; deri më tani, asnjë nga përballjet mes përfaqesuesit të Kosovës, Besnik Bislimi, dhe atij të Serbisë, Petar Petkovic, nuk ka prodhuar asnjë rezultat. BE-ja, nga sa shpjegoi Stano, kërkon që palët të dëshmojë gatishmëri për gjetjen e një zgjidhjeje të përkohshme praktike, e cila sipas tij, do t’i ndihmonte qytetarët e prekur nga vendimi i Bankës Qendrore të Kosovës.“Presim që palët të kenë sjellje europiane dhe të gjejnë një zgjidhje kompromisi. Kryenegociatorët synojnë të gjejnë zgjidhje përmes diskutimeve konfidenciale, e këto janë mënyra europiane për në rrugëne kërkimit të zgjidhjeve. BE-ja vazhdon t’indihmojë ata që të arrijnë kompromisin, sepse kjo ndikon në jetën e njerëzve”, tha Stano. Më herët, ai qe shprehur se ky ka për të qenë takimi i fundit për temën e dinarit serb. BE-ja asiston, në fund, gjithcka varet nga gatishmëria e palëve për të gjetur zgjidhje, ishte mesazhi i tij. Njoftimi për takimin e radhës të dialogut, që ndërmjetësohet nga Bashkimi Europian, vjen pas përfundimit të periudhës tranzitore të Rregullores së Bankës Qendrore të Kosovës, e cila e konsideron euron si valutën e vetme për kryerjen e pagesave në Kosovë. Rregulloja hyqi në fuqi në 1 shkurt, por autoritetet vendosën një fazë tranzitore, e cila të krijonte lehtësi për zbatimin e këtij vendimi.