Planet e BE-së për vaksinimin janë ambicjoze: fabrikat e prodhimit të vaksinave në Bashkimin Europian pritet që të prodhojnë 3.6 miliardë doza gjatë vitit të ardhshëm. Në nivelin botëror sakaq, kjo shifër do të kapërcejë 20 miliarda dozat. Shtetet e bllokut kanë nisur të administrojë doza përforcuese, pasi tashmë pothuajse 70 për qind të popullatës së BE-së është imunizuar me dy doza. “Ne do të prodhojmë vaksina në Europë më shumë se që na duhen”, tha një zëdhënës i BE-së, duke shtuar se administrimi i dozave përforcuese në bllokun evropian nuk bie ndesh me synimin për vaksinimin në botë, sepse sipas tij, BE-ja prodhon më shumë vaksina sesa i duhen. Fabrikat e vaksinave në BE gjatë këtij viti kanë prodhuar rreth 3 miliardë doza të vaksinës, të cilat, sipas zyrtarëve të BE-së janë më shumë sesa i nevojiten bllokut europian për të administruar edhe dozat përforcuese për popullatën. Prodhuesit më të mëdhenj të vaksinavë në Europë janë Pfizer dhe BioNTech, si dhe AstraZeneca, Moderna e Johnson & Johnson.