Gjykata greke ka vendosur masën “arrest shtëpie” për biznesmenin shqiptar Astit Tota, dhe dy qytetarë grekë, miq të tij, të cilët e ndihmuan atë të mbyllnin brenda nja kamioni 13 emigrantë sirianë dhe pakistanezë duke i akuzuar për ndezjen e zjarreve në Greqi. Mësohet gjithashtu se autoritet greke iu kanë marrë pasaportën Totës dhe dy miqve të tij, në mënyrë që të mos largohen nga vendi. Në një intervistë për mediat greke, shqiptari Tota tha se veprimi i tij dhe i miqve të tij është i justifikuar, pasi ata kanë ndaluar emigrantët që po tentonin t’i vinin zjarrin pyllit në Evros. Videon ku shihet automjeti duke tërhequr një rimorkio me emigrantë të paligjshëm me origjinë siriane dhe pakistaneze, Tota e ka publikuar vetë në rrjetet sociale për të ndërgjegjësuar qytetarët e tjerë se janë emigrantët ata që ndezin zjarre nëpër male.