Qeveria ka nxjerrë për konsultim publik ligjin mbi taksën e pasurive të paluajtshme. Kështu pra, reforma që pritet të fillojë në vitin 2026 për njësitë e ndërtesave dhe në 2028-ën për parcelat përcakton kategoritë e taksës për bashkitë. Tashmë taksa për pasuritë e paluajtshme do vendoset bazuar mbi çmimeve të tregut, të cilat do të përditësohen çdo vit nga Kadastra. Norma e taksimit pritet të jetë më e lartë se aktualja 0.05 % duke parashikuar të shkojë nga 0.1 % – 0.2 %. Këtë do ta përcaktojnë këshillat bashkiakë çdo vit. Për ekspertët kjo do të ndihmojë bashkitë që janë në vështirësi të mëdha financiare. “Ne e dimë shumë mirë që niveli i borxhit lokal apo vendor është tepër i lartë dhe kjo zgjidh edhe njëherë plagën e bashkive të vendit që kanë mungesë fondesh. Qytetet kryesore kanë paguar në faturën e ujit, le të themi taksën e pronës, ndërkohë që ka shumë qytete që nuk kanë paguar edhe pse e kishin detyrim.“-shprehet ekspertja Romina Radonshiqi.