Protestuesit anti-qeveritarë kanë bastisur sot e i kanë vënë zjarrin bashkisë së Almaty, qytetit më të madh të Kazakistanit. Protestat e dhunshme nisën prej rritjes së papritur çmimeve të energjisë, edhe pse vendi është një nga eksportuesit kryesorë të gazit e naftës. Mijëra protestues të armatosur me shkopinj e leva hekuri, kanë goditur policët dhe bastisën zyrat qeveritare, në trazira të paprecendenta në republikën diktatoriale pro-ruse. Në pamje të postuara në rrjetet sociale shihej zjarr në zyrat administrative teksa protestuesit sulmonin oficerët dhe autoblindat e policisë që tërhiqeshin. Gjendja e emergjencës u shpall nga presidenti Kasim Tokajev pas dorëheqjes se qeverisë pas trazirave. Më vonë Tokayev urdhëroi sot guvernatorët lokalë të rivendosin tavanin e çmimeve të energjisë dhe mallrave bazë për popullatën. Atameken, grupi më i madh i biznesit në Kazakstan tha se kishte pasur sulme ndaj bankave të tyre, dyqaneve dhe bizneseve