Top Channel/ Basha pritet nga simpatizantët në Kukës:Faleminderit për mbështetjen! Votoni ndryshimin

Kryetari i Partisë Demokartike ka takuar kuksianët, të cilëve u premtoi se do të zgjidhë “plagën e qytetit, emigrimin në masë të të rinjve”. “Për tetë vite me radhë Kukësi është zbrazur nga bijtë dhe bijat e tij, është treva me emigracionin më plagë në Shqipëri. Tetë vite dështime kanë lënë plagë në trupin e Kukësit më të thella se kudo tjetër. Kjo është një plagë që rrjedh anembanë vendit. Mijëra djem dhe vajza të larguar, mijëra të tjerë ikin përditë. Ky realitet nuk ka për të ndryshuar po nuk ndryshuam Shqipërinë, po nuk larguam shkaktarin e këtyre vuajtjeve duke votuar numrin 9. Asnjë marifet elektoral nuk e shëron dot këtë plagë, këtë e di Kukësi dhe gjithë Shqipëria”, u tha Basha kuksianëve.