Drejtuesi Politik i Koalicionit Euroatlantik, Lulzim Basha, ju prezantoi programin elektoral banorëve të njësisë 5 në kryeqytet. Në takime me qytetarët dhe bizneset e kësaj zone Basha premtoi një epokë të re pa korrupsion si dhe dhënien e statusit për minatorët. “Ne duhet t’i japim fund korrupsionit në mënyrë që të kemi mundësinë që të rrisim pensionet në tërrësi e të adresojmë çështjen e punëve të vështira të minatorëve. Shtresa e ish-të përndjekurve, i kemi hyrë në hak 35 vite. Ka ardhur në fushatë e në fushatë tek ju, kemi ardhur në qeveri ju kemi harruar. Ata që kanë vuajtur meritojnë në radhë të parë dëmshpërblimin financiar dhe dëmshpërblimin moral. Përfshirë statusin me vlerë financiare të barabartë si statusi i ish-ushatarkut. Tani më 11 maj mundësinë për të votuar Euroatlantikët i ke”. Gjatë bisedave me të, kalimtarët ndanë shqetësimet e tyre, mbi kostot e larta të jetesës si dhe për pamjaftueshmërinë e pensioneve. Teksa Basha kërkoi që të bëjnë një zgjedhje: ose Shqipërinë e 313 ose Shqipërinë e ndershme.