Kryetari i Partisë Demokratike, Lulzim Basha këtë të shtunë ka aluduar se protesta e zhvilluar nga ish-kryeministri Sali Berisha, ka ardhur falë një bashkëpunimi mes këtij të fundit dhe kryeministrit Edi Rama. Në një konferencë për shtyp pas trazirave të kësaj të shtune, Basha i ka cilësuar Berishën dhe Ramën si vëllezërit siamezë. Sipas kreut të PD-së, ish-kryeministri dhe kreu i qeverisë kanë bashkëpunuar në mënyrë që Rama të qëndrojë në pushtet, duke çarë partinë në dysh.