Vajzat janë fiksuar me ngjyrën rozë si kurrë më parë dhe kjo është pasqyruar në veshje, aksesorë apo edhe bikini. Mbretëreshat e pasarelave, aktore, këngëtare apo blogere kanë preferuar ngjyrën rozë këtë verë, ndërsa jemi në pikun e sezonit të pushimeve. Kim Kardashian dukej e mahnitshme teksa lëvizte me biçikletë rreth një zone tropikale në fotot e reja të shpërndara në rrjetet sociale të premten. Jennifer Lopez publikoi një foto ku theksonte linjat e saj perfekte, ndërsa i rrinte ngjitur pas trupit body rozë që kishte veshur. Këngëtarja me origjinë shqiptare, Dua Lipa e ka të preferuar rozën, pasi e kemi parë shumë herë me këtë ngjyrë, ndërsa këtë vit ajo i zgjodhi bikinit me shkëlqim. Nga ana tjetër, edhe Gigi Hadid zgjodhi bikini në ngjyrë rozë të fortë, ndërsa u pa në bregdet të shijonte kohë me familjen e saj. Edhe VIP-at shqiptarë ranë pre e këtij “efekti pink” që ka pushtuar gjithë globin. Rezarta Shkurta, Arta Nitaj, Sara Kolami, Sara Berisha apo këngëtarja Kida preferuan të ktheheshin në “Barbie” gjatë pushimeve.