Një zjarr i rënë në një pallat në zonën muzeale të Gjirokastrës ka rrezikuar jetën e banorëve. Vatra e zjarrit është rregjistruar në katin e parë të një pallati i cili ishte i pabanuar. Ndërkohë shkak për zjarrin dyshohet të jetë bërë një shkëndijë në rrjetin elektrik të apartamentit. Ndërhyrja në kohë e zjarrfikësve lokalizoi zjarrin duke regjistruar vetëm dëme materiale. Më të pafatë kanë qenë anëtarët e një familje në Hotolisht të Librazhdit, banesa e të cilëve është shkrumbuar totalisht nga zjarri. Shkak i zjarrit edhe në këtë rast dyshohet të jetë bërë një shkëndijë elektrike. Fatmirësisht anëtarët e familjes së Sami Çotës u shpëtuan, por flakët rrezikuan jetën e tyre. Policia tha se zjarri i cili përfshiu banesën e Sami Çotës në Hotolisht rrezikoi edhe shtepi te tjera ngjitur. 6 efektivë zjarrfikës dhe dhjetëra banorë të zonës ndihmuan për fikjen e flakëve dhe shpëtimin e banesave të tjera. Dëmet në banesën e djegur raportohet të jenë të konsiderueshme