Banka e Anglisë rriti normat e interesit në 1.75 përqind të enjeten për të përballuar koston në rritje të jetesës, pavarësisht shqetësimeve se ekonomia po shkon drejt një recesioni. Në rritjen më të madhe të normave në 27 vite, autoritetet në bankën qendrore votuan për të rritur normën bazë për të gjashtën herë radhazi në 1.75%, në përputhje me pritshmëritë e ekonomistëve të qytetit. Vendimi i çon normat e Mbretërisë së Bashkuar në nivelin më të lartë që nga fundi i vitit 2008. Komiteti i politikës monetare të Bankës (MPC) ka rritur koston e huamarrjes që nga dhjetori në përgjigje të rritjes së normave të inflacionit, përkeqësuar nga pushtimi rus i Ukrainës, i cili ka çuar koston e gazit në rritje , në nivele rekord.