Kryeministri Rama me axhendën europiane në duar i rrethuar nga qentë që lehin me mbishkrimin "Lehjet e fundit para integrimit." Ndërkohë integrimi europia ka qenë një nga pikat kryesore e cila është diskutuar në mbledhjen e socialistëve. Deputetët u njohën me ecurinë e procesit të integrimit europian nga Znj.Majlinda Dhuka e cila vuri në dukje domosdoshmërinë e thellimit të reformave, por edhe mundësinë e financimeve të projekteve nga BE. Mbledhja e grupit Parlamentar socialist u drejtua nga kreu i Grupit Niko Peleshi i cili vuri theksin mbi sfidat e këtij sesioni Parlamentar në këtë vit zgjedhor. Ashtu si edhe ministrat, deputetët morën orientimet e strategjisë së re të komunikimit. Ministri i Shtetit për Marrëdhëniet me Parlamentin Taulant Balla u kërkoi deputetëve një komunikim më intensiv e më korrekt me qytetarin drejtpërdrejt, por edhe përmes rrjeteve sociale. Balla u ndal më tej tek vota e diasporës dhe rëndësia e saj. Në mbledhjen e grupit Parlamentar kanë informuar mbi ecurinë e komisioneve respektive Fatmir Xhafa dhe Erion Braçe për komisionin Antikorrupsion dhe komisioni i dezinformimit. Kryeministri Edi Rama u është bashkuar socialistëve gjatë drekës dhe nuk qëndroi më shumë se 50 minuta. Ai gjithashtu kërkoi angazhim maksimal dhe korrektësi në komunikimet me qytetarët.