Edhe ish presidenti Bamir Topi konsiderohet një dëshmitar I protestës me katër të vrarë ndodhur gati 15 vite më parë në bulevardin para kryeministrisë. SPAK e kishte thirrur Bamir Topin në cilësinë e deklaruesit, mbasi prokurori që po heton 21 janarin është I bindur se ajo cfarë ish presidenti ka deklaruar publikisht gjatë këtyre viteve dhe cfarë ka shkruar në një libër , është I rëndësishëm edhe për hetimet. Që ish presidenti do pyetej nga SPAK u kuptua nga thirrja e ish kryeministrit Sali Berisha por për 21 janarin. Berisha pranoi se mes të tjerash ishte pyetur rreth Bamir Topit për fragmentin e përmendur nga ai , kur thotë se ministri I brendshëm Lulzim Basha I kishte kërkuar në atë kohë të ndëhynte tek prokurorja e përgjithshme për të anuluar fletëthirrjet ndaj oficerëve të gardës. Por megjithëse publikisht Bamir Topi ka treguar transparencë duke kujtuar se e ka refuzuar ndërhyrjen e Bashës për të cilën Berisha insiston se nuk di gjë, mbas pyetjes nga SPAK ish presidenti predikoi sekretin hetimor