“Ka ende forca që përpiqen të kthejnë pas zhvillimin e Ballkanit Perëndimor. Ata duan të pengojnë përparimin dhe të destabilizojnë rajonin. Por NATO është e vendosur të lërë përgjithmonë pas problemet e së kaluarës. Do të denoncojmë dhe kundërshtojmë çdo aktivitet armiqësor në territorin e aleancës”: Sekretari i përgjithshëm i NATO-s, Mark Rutte gjatë vizitës së tij në Malin e Zi e bëri të qartë se kjo e sotmë është një botë më e rrezikshme, përballë të cilës nevojiten shoqëri të forta të mbrojtura nga ushtri të forta. Rusia, shtoi ajo, vazhdon të zhvillojë luftën e saj kundër Ukrainës. Kina po ashtu bëhet gjithnjë e më shumë agresive dhe zona jonë e kufirit jugor është e paqëndrueshme, ishte komnenti i tij. BE-ja gjithashtu e ka shtuar vëmendjen për rajonin. Më herët, Ministrat e Punëve të Jashtme të vendeve anëtare të Bashkimit Europian dhanë mbështetje politike për thellimin e bashkëpunimit me vendet e Ballkanit Perëndimor në çështjet e sigurisë së jashtme dhe mbrojtjes. Kryediplomatët e shteteve anëtare të bllokut u takuan me gjashtë homologët e tyre atje dhe në fund, përfaqësuesja e Lartë e BE-së për Politikë të Jashtme dhe Siguri, Kaja Kallas, se Brukseli është i gatshëm t’i mbështesë vendet e rajonit në përpjekjet për luftimin e kërcënimeve hibride dhe dezinformimit si dhe përmes përdorimit më të madh të Instrumentit Europian të Paqes për forcimin e kapaciteteve mbrojtëse të partnerëve.