disa qytetarë në plazhin e Palio Faliro në Athinë tentuan të shpëtonin një balenë të vogël të bllokuar në brigjet e qytetit. Balena të gjalla rrallëherë janë parë në Athinë ndërsa hera herës dalin në breg kufoma të këtyre gjitarëve, kryesisht në ishujt e Greqisë. Mediat vendase treguan një veteriner që merrte mostra gjaku nga kafsha e cila përpëlitej në ujërat e cekëta të plazhit Trocadero. Oqeanografja Amilia Drugas identifikoi balenën e bllokuar si të familjes “balenë Cuvier me sqep”. Ajo tha se nga masa e saj, balena dukej në moshë adoleshente dhe fillimisht ishte shfaqur disa kilometra me në jug. Punonjësit ishin përpjekur ta joshnin që ajo të dilte përsëri ne det, por pa rezultat. "Nga pamjet duket e plagosur ... në raste të tilla nuk përfundon mirë," tha Drosos Kotsubas, profesor biologjie detare ne Universitetin e Egjeut. Zyrtarët shtuan se gjitari mund të jetë çorientuar prej kërkimeve për naftë në Gjirin e Kiparisia.