Gjermania e kritikoi rregulloren e re që u krijon shteteve anëtarë te Bashkimit Europian mundësinë për zgjatjen e afateve të regjistrimet të aplikimeve për azil në kufijtë e jashtëm të bllokut, dhe uljen e së standardeve për akomodim dhe kujdes. Një zëdhënës i ministrisë së brendshme gjermane pohoi se rregullorja e propozuar po rishikohet me kujdes nga qeveria federale. Spanja nga ana tjetër që ka marrë aktualisht presidencën e radhës së BE-së, insiston për një marrëveshje deri në fund të muajit. Ministrat e brendshëm të unionit votuan në fillim të qershorit për reformimin e sistemit të azilit. Sipas planit të tyre, aplikimet e emigrantëve për azil, të cilët janë nga vendet me një normë njohjeje prej më pak se 20 për qind, do të shqyrtohen në kufijtë e jashtëm të BE-së brenda 12 javëve. Gjatë kësaj kohe, ata që kërkojnë mbrojtje do të detyrohen të qëndrojnë vetëm nëpër qendrat e pritjes. Kush nuk e fiton të drejtën e azilit, kthehet mbrapsht menjëherë. Po kështu, personat që kërkojnë mbrojtje në situata krize, duhet të qëndrojnë më shumë se 12 javë nëpër qendrat pranimit, afër kufijve. Situatë krize konsiderohet kur një shtet tjetër tenton të përdorë krizën me refugjatë për t’i shtyrë përpara interesat e veta, siç ka qenë kriza në kufirin bjelloruso-polak. Ministrja e brendshme gjermane Nancy Faeser ka këmnëngulur gjatë negociatave që këto rregulla, të mos vlejnë për familjet me fëmijë në kufi.