Eva Buzo sportistja me origjinë Shqiptare, me profesion avokate , është rikthyer për të përfunduar sfidën e saj, duke përshkuar me not brigjet nga Italia deri në Vlorë. Eva ka qëndruar në Vlorë për disa ditë dhe ditën e djeshme rreth orës 14-00 është nisur për në Itali me gomonen e qëndrës së peshkimit në Radhimë për të nisur rreth orës 18-00 sfidën e lënë në mes vitin e kaluar për të përshkuar me not hapësirën detare nga Lece deri në Vlorë. Ajo është shoqëruar nga roja bregdetare dhe dy mjetet tip gomone vijojnë ta shoqërojnë për të përfunduar misionin e saj. Deri në orë 18 të kësaj të diele, pra 24 orë udhëtim Eva ka përshkuar rreth 49 mije dhe është afër brigjeve Shqiptare. Sipas shoqëruesve të saj, asaj I duhen edhe 8-9 mije për të mbërritur në brigjet e Vlorës, dhe mendohet se do të mbërrije në bregdetin e Dhërmiut gjatë orëve të mbrëmjes.