Dënimi ndaj ish-krerëve të Ushtrisë Çlirimtare të Kosovës i shqiptuar nga trupi gjykues i Dhomave të Specializuara do të apelohet. Avokati mbrojtës i ish-presidentit, Hashim Thaçit, krahas kësaj tha se të mërkurën dështoi drejtësia. Sot dëshmuam një shkelje të drejtësisë. Është e qartë për mua dhe për ne se vendimi ishte i paracaktuar. E them këtë sepse ajo që mund të shohim është se Tribunali e ka rishkruar historinë. Mbrojtja e Thaçit, pas dënimit ishte edhe më e ashpër, duke thënë se Gjykata Speciale nuk duhet të gëzojë mbështetjen e Kuvendit të Kosovës Mund t’ju them gjithashtu se edhe Kosova duhet ta shqyrtojë këtë çështje. Kuvendi i Kosovës duhet ta shqyrtojë këtë. Epo, kjo gjykatë e ka dëmtuar partneritetin. Nëse do të isha deputet i Kuvendit të Kosovës, do ta tërhiqja mbështetjen time për këtë tribunal, sepse ky ishte një proces abuziv dhe një mohim i drejtësisë.