Japonia njoftoi shkeljen e hapësirës së saj ajrore nga një avion kinez, cka e shtyu Tokion zyrtare të mobilizonte mënjehërë avionët e vet luftarakë. Përmes nje deklarate, ministria japoneze e mbrojtjes sqaroi se “avionic i KInës kishte kaluar mbi hapësirën ajrore territoriale në ishujt Danjo në prefekturën e Nagasakit". Mobilizimi i avionëve japoneze, sic theksohej më tej aty, u bë “ në bazë emergjence".Aeroplani kinez "Y-9 i mbledhjes së të dhënave të zbulimit" hyri në hapësirën ajrore japoneze në orën 11:29 të mëngjesit për rreth dy minuta, shtoi ministria.Autoritetet kineze nuk kanë komentuar për incidentin. Sipas raporteve në mediat vendase, ky incident përbën të parën herë që avionët e ushtrisë kineze hyjnë në hapësirën ajrore të Japonisë.Ministria e mbrojtjes tha se u ndërmorën hapa nga ushtria japoneze si "lëshimi i paralajmërimeve" për avionët, por nuk u përdor asnjë lloj arme si shenjë alarmi.Në përgjigje të incidentit, zëvendësministri i Jashtëm Masataka Okano thirri ambasadorin në detyrë të Kinës në Japoni dhe i "paraqiti një notë të fortë proteste". Zyrtari i bëri thirrje Kinës të marrë masa kundër një përsëritjeje të incidentit, ndërsa përgjigja e diplomatit kinez ishte se çështja do t'i raportohej Pekinit. Anijet japoneze dhe kineze janë përfshirë më parë në incidente të tensionuara në zonat e debatueshme, veçanërisht në ishujt Senkaku në Detin e Kinës Lindore, të njohur nga Pekini si Diaoyus.Zinxhiri i largët i ishujve ka nxitur tensione diplomatike dhe ka qenë qenë skene konfrontimesh mes anijeve të rojes bregdetare japoneze dhe anijeve kineze të peshkimit.