Automjete të ushtrisë së SHBA shiheshin sot që patrullonin në Rumailan, në provincën verilindore Hasake pranë kufirit me Turqinë. Pentagoni mban ende një numër të kufizuar personali ushtarak në Siri pas një serie episodesh konfrontimi me ushtarakët rusë. Trupat dhe automjetet janë një shfaqje force për t’u siguruar që rusët të mos tejkalojnë zonat lindore të sigurisë ku veprojnë Forcat Demorkatike Siriane, ose ushtria kurde, e cila konsiderohet si terroriste nga Turqia. Ushtria amerikane ofron mbështetje për forcat kurde në Siri, dhe më parë ka pasur pika të shumta ushtarake në vend. Por me fillimin e operacionit "Burimi i Paqes" në tetor 2019 forcat amerikane u tërhoqën duke boshatisur bazat e tyre në rajonin e operacionit dhe i dhanë përparësi vendosjes së tyre në zonat përreth fushave të naftës. Në Al-Hasaka, Rakka dhe Deir-ezor, SHBA mbante shumë mjete të blinduara, maune të mbuluara, maune me municione, pajisje logjistike dhe cisterna për karburante. Rumalan është gjithashtu një zonë e njohur naftëmbajtëse e provincës Hasakeh. SHBA mban gjithashtu prezencë në krahinën Semalka pranë Kurdistanit, megjithë kundërshtimet e Turqisë që i konsderon forcat kurde si kërcënim.