Qeveria australiane publikon një video mbikqyrjeje të një anijeje luftarake kineze, për të cilën tha se lundronte në veriperëndim të vendit në Paqësor. Ministri i mbrojtjes tha se anija zbuluese kineze po lundronte në një itinerar “të dyshimtë”, teksa Australia shton vigjilencën para zgjedhjeve federale të 21 majit. Ministri Peter Dutton tha në konferencën e shtypit në Perth se anija kineze kishte lundruar prej një javë pranë ujërave australiane prandaj po monitorohej. Forcat ajrore të Australisë po monitoronin anijen pasi sipas autoriteteve ndodhej në zonën ekskluzive ekonomike të vendit. "Qëllimi ynë të mbledhim informacione për atë që ndodh përgjatë brigjeve tona, sidomos pranë bazave ushtarake dhe të inteligjencës së vendit," tha Dutton. Ai shtoi se mënyra e lundrimit të anijes ishte "e pazakontë" pasi ishte futur shumë pranë brigjeve ishullore.