Autorët e atentati të trefishtë në Memaliaj duket se kanë lëvizur të pashqetësuar pas krimit. Automjetin tip BMW në ngjyrë të zezë me të cilin kryen krimin e dogjën në fshatin Bejaj të Mallakastrës, siç mund të shihni edhe në pamjet e siguruara nga Top Channel. Pasi janë siguruar që i kanë vënë flakën mjetit ata janë larguar në drejtim të paditur dhe ndonëse është ngritur një grup i posaçëm hetimor ende nuk ka mundur t’i identifikojë. Forcat Kombëtare të Sigurisë dhe Renea kanë shkuar në vendin ku po digjej automjeti, kanë rrethuar zonën. Brenda mjetit janë gjetur edhe tre armë të cilat dyshohet të jenë përdorur në atentat. Mjeti i djegur është lëvizur sot nga vendi i ngjarjes, ndërsa do t’i nënshtrohet kontrolleve të imtësishme me qëllim gjetjen e ndonjë gjurme që mund të identifikojë autorët. Flakët në mjetin BMW kanë qenë aq të mëdha sa kanë shkrumbuar edhe një lokal në fshatin Bejaj të Mallakastrës.