Kthesë të papritur kanë marrë hetimet për atentatin e ndodhur ditën e djeshme në Athinë ku mbeti i vrarë 47-vjeçari Irakli Davella, nga Finiqi dhe u plagos 46-vjecari Edi Lulo, lindur në Gjon të Pukës dhe banues në Kamëz. Sipas burimeve nga policia greke dyshohet se objektiv i atentatit ishte Edi Luli, i cili ka ndërruar emrin, dhe emri i vërtetë rezulton të jetë Etmond Hysa, i cili dyshohet se është vrarës me pagesë 46-vjeçari rezulton i dënuar në Greqi për ngjarjen e vitit 2011, ku u mbajtën peng disa avokatë në Dhomën e Avokatëve të Athinës dhe u grabitën 405.000 euro. Bashkë me këtë ngjarje ai u akuzua edhe për grabiten e një klinike mjekësore në Pagrati të Athinës ku u morën pajisje me vlerë 110.000 euro. Pasi kreu burgun, mësohet se u riatdhesua në Shqipëri, ndërsa kohët e fundit jetonte në Dubai dhe në datën 9 dhjetor ka ardhur në Greqi nga Gjermania me identitetin Edi Lulo. Ndërkohë është bërë e mundur edhe identifikimi i një nga dy personat që ndodhej në kafe më viktimën Irakli Davella dhe Edi Lulo ditën e djeshme para atentatit, një person me precedentë penalë në Greqi, i përfshirë në çështje gjobëvënie dhe vjedhje. Ka dyshime se personi mund të jetë plagosur lehtë gjatë ngjarjes ndërsa policia greke ka nisur kërkimet për të me qëllim që t’i marrë dëshminë.