Një atentat mafioz trondit Lezhën. Gjovalin Prendi mbeti i vrarë mbrëmjen e sotme në zonën e Pllanës, pranë urës së vjetër të Milotit, në afërsi të biznesit familjar. Viktima ishte babai i Roan Brahimit, i cili u ekzekutua një vit më parë në Greqi, në sy të bashkëshortes dhe fëmijës së tij, një ngjarje që tronditi opinionin publik në vendin fqinj. Sipas informacioneve të para nga vendngjarja, të raportuara nga gazetarja e Top Channel, Brixhilda Deda, atentati dyshohet të jetë i mirëorganizuar, me tipare të qarta mafioze. Autorët janë larguar menjëherë pas krimit. Në vendin e ngjarjes ndodhen forcat e policisë dhe grupi hetimor. Pritet sekuestrimi i kamerave të sigurisë të vendosura në ambientet e biznesit, me qëllim identifikimin e autorëve dhe zbardhjen e motiveve të vrasjes, me zonën që është blinduar.