Atronautja amerikane Jessica Ëatkins është vetëm 34-vjeç, dhe ka ende shumë vite para saj në agjencinë hapësinore amerikane NASA , por që tani objektivat e saj janë të qarta: Hëna ose Marsi. Si anëtare e ekipit Artemis që po përgatitet për misionet e ardhshme hënore, ajo mund të jetë shumë mirë një nga gratë e para me ngjyrë që do të shkelë në Hënë në vitet e ardhshme ---“Do të isha absolutisht e emocionuar nësë do isha pjesë e përpjekjes për të shkuar në një sipërfaqe tjetër, qoftë Hëna apo Marsi. Ne vijmë nga përvoja të ndryshme, me pasione të ndryshme dhe aftësi të ndryshme dhe është, kombinimi i këtyre gjërave që na lejon të realizojmë të pamundurën. " Lindur në Gaithersburg në periferi të Uashingtonit, Ëatkins u rrit në Kolorado përpara se të shkonte në Kaliforni për të studiuar gjeologji në Universitetin Stanford. Gjatë studimeve të doktoraturës në Universitetin e Kalifornisë, Los Anxhelos, kërkimi i saj u përqendrua pjesërisht për atë se cfarë ka në Mars , teksa punoi në roverin Curiosity të NASA-s.