Taulant Balla: Për një mbarëvajtje të sezonit turistik përmes protokollit të nënshkruar këtë muaj ndërmjet Ministrisë së Brendshme të Republikës së Shqipërisë dhe Ministrisë së Brendshme të Republikës së Kosovës janë lehtësuar procedurat e hyrje/daljeve në pikën e përbashkët të kalimit kufitar Morinë/Kukës. Gjatë periudhës 1 Maj – 30 Shtator dhe 1 Nëntor – 28 Shkurt, nuk do të ketë asnjë kontroll të pasaportave dhe kartave të identitetit për shtetasit e të dy vendeve tona. Po punohet gjithashtu për rishikimin e protokolleve për pikat e tjera kufitare me Kosovën (Valbonë dhe Shishtavec), për të lehtësuar turizmin dhe shkëmbimet e ngushta mes dy vendeve tona.